कैलाली : कैलालीको गोदावरी नगरपालिका–१२ गाउँ चौकीका १७ वर्षीय हेमन्त बडैला क्यान्सर रोगसँग संघर्षरत रहेका छन्। २०८१ साल माघ १० गतेदेखि उपचार सुरु गरेका उनी हालसम्म निरन्तर उपचार गराइरहेका छन्।
लामो समयदेखि उपचार चलिरहँदा परिवारको आर्थिक अवस्था अत्यन्त कमजोर बनेको छ। नियमित औषधि, अस्पताल खर्च तथा अन्य उपचारका लागि आवश्यक रकम जुटाउन नसक्दा उपचार प्रभावित हुने अवस्था सिर्जना भएको परिवारले जनाएको छ।
चिकित्सकका अनुसार हेमन्तको स्वास्थ्य अवस्थालाई ध्यानमा राख्दै निरन्तर उपचार आवश्यक रहे पनि आर्थिक अभावले समस्या बढ्दै गएको छ। यसैबीच, परिवारले सबैसँग मानवीय सहयोगका लागि अपिल गरेको छ। सानो सहयोगले पनि जीवन बचाउन महत्वपूर्ण भूमिका खेल्ने विश्वास परिवारको छ। स्थानीयवासी तथा विभिन्न संघसंस्थाहरूले समेत सहयोगको पहल गर्नुपर्ने आवश्यकता औंल्याइएको छ।
सहयोग गर्न इच्छुक व्यक्तिहरूले पीडितका दाजुको सम्पर्क नम्बर ९७४३५९०७५० मा सम्पर्क गर्न सक्नेछन्। परिवारले सबै सहयोगी मनहरूलाई धन्यवाद दिँदै साथ र सहयोगको अपेक्षा गरेको छ।
