कैलाली : नेपाली कम्युनिस्ट पार्टी सुदूरपश्चिम प्रदेश संसदीय दलका नेता खगराज भट्टले सुदूरपश्चिम प्रदेश सरकार कुम्भकर्ण निद्रामा रहेको बतएका छन ।
नेकपा सुदूरपश्चिम संसदीय दलले बिहीबार आयोजना गरेको पत्रकार सम्मेलन बोल्दै उनले यस्तो बताएका हुन ।
नेता भट्टले भने, ‘सुदूरपश्चिम प्रदेश सरकार मृत हाे वा जीवित हाे थाहा छैन।’ उनले प्रदेश सरकार एकदम निरीह र गैरजिम्मेवार देखिएकाे बताए।
‘संसद बैठक, समितिका बैठकलगायत सबै अस्तब्यस्त छन्’ उनले भने ‘हिउँदे अधिवेशन सुरु गर्ने कुनै सुरसार छैन, प्रदेश सरकार सुतेकाे अवस्थामा छ।’
मुख्यमन्त्रीमाथि नै भ्रष्टाचार आराेप लाग्दा पनि मुख्यमन्त्री निरीह भएर कुर्सीमा बसिरहेकाे उनकाे आराेप छ।
उनले बजेट कार्यान्वयनकाे अवस्था एकदमै निरासाजनक रहेकाे समेत बताए । उनले पटक पटक सचेत गराउदा, ध्यानाकर्षण गराउँदा पनि प्रदेश सरकार नसुन्ने अवस्थामा रहेकाे बताए।
सुदूरपश्चिम प्रदेशमा कांग्रेस र एमालेकाे संयुक्त सरकार छ। जसमा कांग्रेस नेता कमल शाह मुख्यमन्त्री छन् भने माओवादी केन्द्र, समाजवादी र नागरिक उन्मुक्ति मिलेर बनेकाे नेकपा प्रमुख प्रतिपक्ष दल रहेकाे छ।
