काठमाडौं : संयुक्त राष्ट्रसंघका महासचिव एन्टोनियो गुटेरेस सोमबार पोखरा जाने भएका छन् । नेपालको चारदिने औपचारिक भ्रमणका क्रममा आइतबार काठमाडौँ आएका महासचिव गुटेरेस भोलि पोखरा जान लागेका हुन् ।
भ्रमणका क्रममा उनी सोमबार दिउँसो पोखरा आउने कार्यक्रम रहेको कास्कीका प्रमुख जिल्ला अधिकारी वासुदेव घिमिरेले जानकारी दिए ।
सन् २०१७ मा संयुक्त राष्ट्रसङ्घको महासचिव भएपछि पहिलोपटक नेपालको भ्रमण गर्न लागेका गुटेरेसले यहाँको शान्ति प्रक्रिया, दिगो विकास, जलवायु परिवर्तनलगायत विषयमा छलफल गर्ने जनाइएको छ ।
बिज्ञापन
त्यस्तै उनी पर्सि मंगलबार लुम्बिनी जाने कार्यक्रम छ ।
