कैलाली : तिन महिनामा कैलालीमा लागुऔषध सम्बन्धी मुद्धाका १ सय ७१ जनालाई प्रहरीले पक्राउ गरेको छ । कैलालीमा तिन महिनाको अवधीमा सो मुद्धाका मात्रै १ सय ७१ जनालाई प्रहरीले पक्राउ गरेको हो ।
गएको माघ, फागुन र चैत्र महिनामा उनीहरुलाई पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डिएसपी) कुलदिप चन्दले जानकारी गराए । उनले लागूऔषधका १ सय १० मुद्दा परेका थिए । जसमा २१ जना महिला र १ सय ५० पुरुष गरि १ सय ७१ जना रहेको जानकारी गराए । उनले पक्राउ परेकाहरूबाट खैरो हेरोइन ३ सय १४ ग्राम ३ सय ७० मिलिग्राम, नाइट्राभेट ५९ ट्याब्लेट,चरेस २६ किलो ४७ ग्राम ९ सय २० मिलिग्राम, स्पास्मो १ सय २१ क्याप्सुल र ब्रुफिन ७ ट्याब्लेट बरामद गरिएको जानकारी गराए ।
सोही अवधिमा भन्सार छलेर चोरी निकासी पैठारीमा संलग्न २७ सवारीसाधन र २० जनालाई पक्राउ गरेको जानकारी गराए । उनीहरुबाट ८१ लाख १३ हजार ४६ रुपैयाँ राजश्व संकलन गरिएको छ । त्यसैगरी उनले सवारीसाधन नियम विपरित चलाई ट्राफिक नियम उलंघन गर्ने सवारीधनिबाट ७१ लाख ७२ हजार ५ सय जरिवाना गरिएको जानकारी गराए । उनले कैलाली अदालतबाट विभिन्न मुद्दामा फैसला भइ फरार रहेका ५६ जनालाई समेत पक्राउ परेका र पक्राउ परेका उनीहरुलाई जिल्ला अदालत कैलालीमा बुझाएको समेत जानकारी गराए ।
