काठमाडौँ : आजदेखि विक्रम संवत् २०८३ साल औपचारिक रूपमा सुरु भएको छ। वैशाख १ गतेलाई नयाँ वर्षको पहिलो दिनका रूपमा देशभर उल्लास, उमङ्ग र नयाँ आशासहित मनाइँदैछ।
नेपालमा प्रचलित विक्रम संवत् अनुसार आज वर्षको पहिलो दिन हो। नयाँ वर्षलाई नयाँ सुरुआत, नयाँ लक्ष्य निर्धारण र आत्ममूल्याङ्कन गर्ने अवसरका रूपमा लिने परम्परा रहेको छ।
आजकै दिन सूर्य मेष राशि मा प्रवेश गर्ने भएकाले यसलाई वैशाख सङ्क्रान्ति वा मेष सङ्क्रान्ति पनि भनिन्छ। सूर्यको गतिसँग सम्बन्धित भएकाले विक्रम संवत् वैज्ञानिक र शाश्वत रहेको विद्वानहरूको भनाइ छ।
नयाँ वर्षको दिन बिहानै स्नान गर्ने, घर आँगन सफा गर्ने, मठ–मन्दिरमा पूजाआजा गर्ने, मीठो परिकार खाने तथा परिवार, आफन्त र साथीभाइसँग भेटघाट गरी शुभकामना आदानप्रदान गर्ने परम्परा रहिआएको छ।
विशेषगरी बिस्का जात्रा का कारण भक्तपुर मा आज विशेष रौनक देखिएको छ। त्यस्तै तराई क्षेत्रमा सहलेश फूल फुल्ने विश्वासका कारण पनि आजको दिनलाई विशेष महत्वका साथ हेरिन्छ।
नयाँ वर्षको अवसरमा रामचन्द्र पौडेल, रामसहायप्रसाद यादव लगायतका विशिष्ट व्यक्तित्वहरूले शुभकामना सन्देश दिँदै देशको उन्नति, प्रगति र समृद्धिको कामना गर्नुभएको छ।
