कैलाली : भीम रावलको मातृभुमी जागरण अभियानमा एमालेका नेताकार्यकर्ता जोडिने क्रम जारी रहेको छ । एमालेको कारबाहीमा परेका रावलको संयोजकत्वमा सञ्चालन भएको उक्त अभियानमा शुक्रबार पुनः एमालेको वडा कमिटि नै समाहित भएको हो ।
अछामको साफेबगर नगरपालिका– १० को वडाकमिटि नै भीम रावलको अभियानमा समाहित भएको बताईएको छ । उनीहरु शुक्रबार भएको मातृभूमि जागरण अभियान नेपालको कार्यकर्ता भेलामा सहभागी हुदै पुरै कमिटी अभियानमा समाहित भएका हुन् । साथै सो वडामा २५ सदस्यीय मातृभूमि जागरण अभियान तदर्थ समिति गठन भएको छ ।
बिज्ञापन
पुस १० गते एमालेले रावललाई कारबाही गर्दै साधारण सदस्य समेत नरहनेगरी निष्कासन गरेपछि उनले मातृभूमि जागरण अभियान खोलेर संठगन विस्तार गरिरहेका छन् । यस अघि सुदूरपश्चिमका हजारभन्दा बढी एमालेका नेता कार्यकर्ता अभियानमा जोडिएका थिए ।
