डोटी : डोटीको बोगटान फुडसिल गाउँपालीका वडा नम्बर–३ कानाचौर धौलानवस्तीमा रहेको “सहयोगी हातहरू समूह” ले मृगौला पीडित गौरव सिंह बमलाई आर्थिक सहयोग गरेको छ ।
बमका दुवै मृगौलामा समस्या भएपछि धौलानवस्तीको “सहयोगी हातहरू समूह” ले मृगौला पीडित गौरव सिंह बमलाई आर्थिक सहयोग गरेको हो । बम हाल भारतको नयाँ दिल्लीस्थित महाराजा अग्रसेन अस्पतालमा उपचार गराइरहेका छन् ।
कमजोर आर्थिक अवस्थाका कारण केही दिनअघि आर्थिक सहयोगको लागि सबैलाई हार्दिक अपिल गरिएको अबस्थामा समूहले पीडित बमलाई १ हजार १ सय ११ भारतीय रुपैयाँ सहयोग गरेको समूहका सदस्य विनोद बोहराले जानकारी गराए ।
समूहका अध्यक्ष कमल सुनारले सहयोगका लागि समूहको स्थापना गरिएको बताउदै सोही उद्देश्य अनुरूप सहयोग गरिएको बताए ।
सुनारले आगामी दिनमा पनि प्रदेशभित्र अप्ठ्यारोमा परेकाहरूलाई निरन्तर सहयोग गर्ने बताएका छन । सहयोग अभियानले स्थानीय तहमा सहकार्य र एकताको उदाहरण दिएको उनले बताए ।
