दार्चुला : दार्चुलाको महाकाली नगरपालिका–५ ठड्याभीरमा पहिरो खस्दा एक जना घाईते भएका छन । शुक्रबार बिहान सडक चौडा पार्ने क्रममा पहिरो खस्दा जाजरकोटको जुनीचाँदेका २६ वर्षिय रेशम बुढा घाईते भएका हुन ।
जेसीबी चालक रहेका बुढा सडक चौडा पार्ने काम गरिरहेका थिए । सो क्रममा भीरबाट खसेको पहिरोले जेसीबी हुत्तिएर महाकाली किनारमा पुगेको जिल्ला प्रहरी कार्यालय दार्चुलाले जनाएको छ । जसका कारण जेसीबीमै रहेका चालक बुढा घाईते भएको प्रहरीले बताएको छ ।
बिज्ञापन


घाईते बुढाको खुट्टामा चोट लागेको र उपचारका लागि जिल्ला अस्पताल पु-याईएको जिल्ला प्रहरी कार्यालय दार्चुलाका प्रवक्ता प्रहरी निरीक्षक कान्तिराज जोशीले जानकारी दिए । पहिरो कारण जेसबी हुत्तिएर करीब ३० मिटर तल महाकाली नदी किनारमा खसेको उनले बताए । महाकाली लोकमार्ग अन्तर्गत ठड्याभीरमा सडक चौडा पार्ने काम भइरहेको छ ।